Maa tum kahan ho?

Aankh khuli ek hulchul si kamre mein hai,
hazaron chehre hein hone ko,
fir bhi kuch kami si hai ||

Baba ko bhi waqt kahan,
unki aankhon mein kyun nami si hai ||

kyun koi mujhse nahi kar raha baat,
koi shaitaani bhi meine nahi kari aaj ||

Dadi tum toh kuch bolo,
aakhir kyaa baat hui ||

Man mera ghabra raha hai,
aaj koi aakar mujhe kyun nahi sarah raha hai ||

Dadi kuch boli nahi,
seene se laga ke vo rone lagi,
man mein mere ab hulchul si hone lagi ||

Meine dekha amma ko,
safed chaadar ode hue,
band thi unki aankhein,
kuchh na bol rahi thi woh,
lagta tha jaise kuch soch rahi thi woh ||

Arrey! kahan jaa rahi ho tum amma..
kyu tum chaaron ho unhe uthaaye..

Amma tum toh so rahi ho ..
kaash mujhe bhi neend aajaye! 

Maa tum kahan ho? Part two

Tum paas kyun nahi ho maa?

Aaj man bahut udaas hai,

Bhook mujhe lagti kahan?

aur na pani ki pyaas hai ||

Tumhare haath se khaya niwala,

amrit sa sheetal mujhko lagta tha,

Tumhara haath pakad kar pag pag mein chalta tha ||

Sang tumhare kitne khel khela hun mein,

Bin tumhare kitna akela hoon mein||

Pyaale mein bharkar doodh pina sikhaya tumne jaise sab pee paate hai,

kya kahun woh din mujhe kitne yaad aate hai,

Aaj jab man ghabrata hai, Maa

toh bahut rona aata hai..

tum ho he nahi yahan toh,

mujhe gaud mein bitha kar chup kon karata hai,

Ab kheer mein woh swad kahan,

jo tumhare swaad se banti thi,

jab jab pyaala khaali hone lagta mujhe woh chiz badi khalti thi,

Aaj kadhai jalti rehti hai, Maa

par kisi ko dhyaan nahi..

Man mera bahut akela hai, Maa

par koi pareshaan nahi,

Maa jab tum ho mere khwaabon mere sapnon mein,

mein kahan dhoond paaun tumhe inn apnon mein,

Aaj maa tasveer mein tumhe muskurata dekh,

mujhe tumhari bahut yaad aati hai,

Kaise mein yeh bataun maa,

Yaad bhi khaali aati hai,

Aur khaali he laut jaati hai,